ალექსი პეტრიაშვილი საავადმყოფოდან გამოწერეს

ალექსი პეტრიაშვილი საავადმყოფოდან გამოწერეს. ექიმების თქმით, პეტრიაშვილის ჯანმრთელობის მდგომარეობა დამაკმაყოფილებელია და აღარ საჭიროებს ჰოსპიტალურ დაკვირვებას.

პეტრიაშვილის განცხადებით, მისი თავდასხმის საქმეზე დაკავებულ ლევან მექვაბიშვილთან არავითარი შეხება არ ქონია. იგი დაკავებულს გამოძიებასთან თანამშრომლობას ირჩევს.

,,მისდა საუბედუროდ, მისი თანამზრახველის საუბედუროდ, ღვთის ნებით, გონება არ დამიკარგავს. მახსოვს ყველა დეტალი, ვინ რა ინსტრუმენტით მუშაობდა უსასტიკესი თავდასხმის განმავლობაში. რაც მალე ითანამშრომლებს გამოძიებასთან, მით უკეთესია მისთვის, შეუმსუბუქდება ის ბრალი. არავითარი შეხება და გადაკვეთა არ მქონია ამ ადამიანთან. მეორე პიროვნებაზე უფრო გართულდება, ამას სახეზე ნიღაბი არ ჰქონდა, მეორე პიროვნება მუშაობდა ნიღბით და შესაბამისად, იქ სხვა დამატებითი სამძებრო სამუშაოებია ჩასატარებელი“, - განაცხადა ჟურნალისტებთან პეტრიაშვილმა და დასძინა, რომ გამოძიებას ხელი არ უნდა შეეშალოს.