გერმანიის საგარეო საქმეთა მინისტრი ხარკოვში იმყოფებოდა

გერმანიის საგარეო საქმეთა მინისტრი ანალენა ბერბოკი დღეს, 10 იანვარს მოულოდნელი ვიზიტით ხარკოვში იმყოფებოდა. ამის შესახებ უკრაინული მედია იუწყება.

ბერბოკი პირველი გერმანელი მაღალი რანგის პირია, რომელიც ქალაქს უკრაინაში რუსეთის სრულმასშტაბიანი შეჭრის შემდეგ ეწვია.

ვიზიტის დროს, რომელიც უსაფრთხოებიდან გამომდინარე გასაიდუმლოებული იყო, ბერბოკთან ერთად იმყოფებოდა უკრაინის საგარეო საქმეთა მინისტრი დმიტრო კულება და გერმანიაში უკრაინის ელჩი ოლექსეი მაკეევი.

„ეს ქალაქი უკრაინაში რუსული აგრესიული ომის აბსოლუტური სიგიჟის სიმბოლოა. ჩემთვის მნიშვნელოვანია, რომ არ დავკარგოთ მხედველობიდან უკრაინის ადგილი ჩვენს ევროპულ ოჯახში“,- განაცხადა ბერბოკმა ხარკოვში.

ამ დროისათვის გერმანიის საგარეო საქმეთა მინისტრმა ხარკოვი უკვე დატოვა.

ანალენა ბერბოკი სრულმასშტაბიანი ომის დაწყებიდან ერაერთხელ იმყოფებოდა უკრაინაში. ის არაერთგზის გამოდიოდა კიევისთვის აუცილებელი იარღის მოწოდების წინადადებით.