პუტინის "ზავი" ზურგში მოკვლა და სიჩუმის იმიტირებაა - პოდოლიაკი

უკრაინის პრეზიდენტის ოფისის მრჩეველი მიხაილო პოდოლიაკი ამბობს, რომ რუსეთის მხრიდან არანაირი „საშობაო ზავი“ არ არსებობს.

მისი თქმით, ე.წ. საშობაო ზავის შესახებ პუტინისა და მისი თავდაცვის სამინისტროს განცხადებებისა, 6 იანვარს უკრაინის მთელს ტერიტორიაზე გამოცხადებული იყო საჰაერო განგაში, რის გამოც ბავშვებს ცივ ბომბსაფარებში გადასვლა მოუწიათ, ხერსონში კი რუსებმა სახანძრო-სამაშველო სადგურები დაბომბეს.

„6 იანვარს, მთელს უკრაინაში საჰაერო განგაშია. ბავშვები ცივ ბომბსაფარებში არიან, ხერსონში იერიში მიიტანეს სახანძრო სადგურზე. ეს არის რუსული „ზავის“ არსი, ზურგში მოკვლა, სიჩუმის იმიტირება. ამიტომ „არასდროს“... არასდროს მიიღოთ რუსეთის სიტყვები სერიოზულად. ეს ყოველთვის პრიმიტიული, ცინიკური ტყუილია“, - წერს პოდოლიაკი Twitter-ზე

6 იანვარს შუადღის შემდეგ უკრაინის მთელ ტერიტორიაზე საჰაერო განგაში 2 საათს გაგრძელდა.

ამის გარდა რუსები მეორე დღეა ბომბავენ სახანზრო სამაშველო სამსახურებს ხერსონში, არიან დაღუპულები და დაჭრილები. ამასთან, რუსეთის თავდაცვის სამინისტრომ განაცხადა, რომ 6 იანვარს 12 საათიდან პუტინის ბრძანების თანახმად, „ცეცხლის შეწყვეტის რეჟიმი“ დაიწყო.

რუსეთის პრეზიდენტმა, ვლადიმირ პუტინმა უკრაინაში საშობაოდ ერთი დღით ცეცხლის შეწყვეტის განკარგულება გასცა. ე.წ. საშობაო ზავის ინიციატივით თავდაპირველად რუსეთის პატრიარქი კირილი გამოვიდა.

უკრაინის პრეზიდენტის, ვოლოდიმირ ზელენსკის შეფასებით, რუსეთს სურს, რომ შობა გამოიყენოს, რათა დონბასში უკრაინელების წინსვლა შეაჩეროს და ამ პერიოდს განახლებული ძალებით ომის გასაგრძელებლად გამოიყენებს.