ვაშინგტონი ვლადიმირ პუტინის ლიკვიდაციით იმუქრება - ლავროვი

რუსეთის საგარეო საქმეთა მინისტრი სერგეი ლავროვი ამბობს, რომ აშშ ვლადიმირ პუტინის ლიკვიდაციით იმუქრება. ამის შესახებ მან რუსულ სააგენტო „ტასთან“ ინტერვიუში განაცხადა.

ლავროვის თქმით, კრემლზე გამანადგურებელი დარტყმის მიტანის შესახებ პენტაგონის ოფიციალური პირების განცხადებები ვლადიმერ პუტინის ფიზიკური განადგურების საფრთხეზე მიუთითებს.

"ვაშინგტონში ყველაზე შორს წავიდნენ: იქ პენტაგონის ოფიციალური პირები ფაქტობრივად, კრემლს გამანადგურებელი დარტყმით დაემუქრნენ, საუბარია, რუსეთის პრეზიდენტის ფიზიკური განადგურების მუქარაზე, თუ ასეთი იდეები  ვინმეს თავში მოსდის, ეს ვიღაც კარგად უნდა დაფიქრდეს შედეგებზე”, - აცხადებს ლავროვი. ამასთან, ის აღნიშნული ინფორმაციის წყაროს არ ასახელებს.