საფრანგეთი მსოფლიო ჩემპიონატის ფინალშია

მოქმედი მსოფლიო ჩემპიონი – საფრანგეთის ნაკრები კატარის მუნდიალის მეორე ნახევარფინალურ შეხვედრაში ამ ჩემპიონატის ნამდვილ აღმოჩენას, მაროკოს დაუპირისპირდა, 2:0 მოუგო და 18 დეკემბერს ფინალურ მატჩში არგენტინის ნაკრებს შეხვდება.

ფინალური მატჩი თბილისის დროით 19:00 საათზე დაიწყება. ერთი დღით ადრე, 17 დეკემბერს, ასევე 19:00 საათზე ხორვატიისა და მაროკოს ნაკრებები მესამე ადგილისთვის მატჩში შეხვდებიან ერთმანეთს.