მთავრობის ადმინისტრაციასთან მიხეილ სააკაშვილის მხარდამჭერი აქცია გაიმართა

მიხეილ სააკაშვილის სამკურნალოდ საზღვარგარეთ გადაყვანის მოთხოვნით კანცელარიასთან აქცია გაიმართა. აქციაზე იმყოფებოდნენ მიხეილ სააკაშვილის ოჯახის წევრები, მედიკოსები, მისი მხარდამჭერები და ერთიანი ნაციონალური მოძრაობის წევრები.

მიხეილ სააკაშვილის ოჯახის წევრებმა და ადვოკატებმა განაცხადეს, რომ მესამე პრეზიდენტის ჯანმრთელობის მდგომარეობა მძიმეა და ის უფრო და უფრო მძიმდება, ამიტომ საჭიროა დაუყოვნებლივ მისი გადაყვანა საზღვარგარეთ.

"წილი ნაყარია და მე მინდა მჯეროდეს, რომ იმ დღეს, როდესაც სასამართლოს მიმართავს მიხეილ სააკაშვილის დაცვის მხარე, სადაც შავით თეთრზე, მთელ რიგ საექსპერტო დასკვნებში წერია, რომ ის არ ექვემდებარება საქართველოში განკურნებას, მოსამართლე აიღებს ჩაქუჩს, დაარტყამს და იტყვის, რომ მიუხედავად იმისა, რაც აქ წერია შავით თეთრზე, მე მაინც ვასკვნი რომ ის არის ჯანმრთელი, დიახაც ვერაფერი ამ ქვეყანაში ძველებურად ვერ გაგრძელდება", - განაცხადა ნიკა მელიამ.