ოკუპანტებმა მარიუპოლის გარშემო თავდაცვითი ხაზის მშენებლობა დაიწყეს

საქართველო, თბილისი - 13:36 | 07.11.2022

ნანახია: 520

რუსმა ოკუპანტებმა მარიუპოლის გარშემო თავდაცვითი ხაზის მშენებლობა დაიწყეს.

ამის შესახებ ინფორმაციას ქალაქის მერის მრჩეველი პეტრო ანდრიუშენკო Telegram-ზდ ავრცელებს. მისი თქმით, მარიუპოლში ამჟამად ტანკსაწინააღმდეგო „პირამიდების“ წარმოების ორი ქარხანა მუშაობს.

თავდაცვის ხაზი მარიუპოლსა და სოფელ ნიკოლსკოეს შორის მაგისტრალთან გადის. რუსეთი ასევე აძლიერებს მიმართულებას ჩრდილოეთით სოფელ სტარი კრიმში.

ბრიტანეთის დაზვერვის ანალიზის თანახმად, რუსები ფრონტის უმეტეს ნაწილზე თადაცვით მოქმედებებზე გადავიდნენ. დასავლელი სპეციალისტების აზრით, ცუდად მობილიზებული სამხედროები ხელს უშლიან რუსულ არმიას სრულფასოვანი შეტევითი ოპერაციების წარმოებაში.

მტრის მდგომარეობას ასევე ართულებს უკრაინის შეიარაღებული ძალების რეგულარული შეტევები რუსეთის არმიისთვის იარაღისა და ტექნიკის მიწოდების ლოჯისტიკურ ხაზზე. საბრძოლო მასალების დეფიციტზე უკვე თავად ოპკუპანტები ალაპარაკდნენ.

უკვე გავრცელდა ინფორმაციები თავდაცვითი ხაზების მშენებლობაზე ლისიჩანსკშიც.

ამასთან, ოკუპანტები განაგრძობენ უშედეგო შტურმს აღმოსავლეთით ბახმუტის, პავლოვკის, სოლედარისა და სხვა დასახლებული პუნქტების მიმართულებით.