უკრაინა ტეხს ე.წ. მსოფლიოს მეორე არმიას. რუსული პოტენციალი იხარჯება ჩვენი ქვეყნისა და თავისუფალი სამყაროს წინააღმდეგ ბრძოლაში - ზელენსკი

უკრაინის პრეზიდენტი ვოლოდიმირ ზელენსკი ამბობს, რომ რუსეთთან სრულმასშტაბიანი ომის დაწყებიდან რვა თვის შემდეგ უკრაინის არმია ტეხს ე.წ. მსოფლიოს მეორე არმიას.

ამის შესახებ მან ვიდეომიმართვისას განაცხადა.

 „დღეს, {24 ოქტომბერს} სრულმასშტაბიანი ომის ზუსტად მერვე თვეა. რას მივაღწიეთ ამ დროის განმავლობაში?

ჩვენ დავიცავით ჩვენი ქვეყანა და რუსეთი ამას ვეღარ შეცვლის. ნაბიჯ-ნაბიჯ ვათავისუფლებთ უკრაინის მიწებს.

უკრაინა ტეხს ე.წ. მსოფლიოს მეორე არმიას. რუსეთი რაღაცას სთხოვს ირანს, ცდილობს რაღაცის გამოწურვას დასავლეთის ქვეყნებისგან - იგონებს სხვადასხვა უაზრობას უკრაინაზე.

რუსული პოტენციალი იხარჯება ჩვენი ქვეყნისა და თავისუფალი სამყაროს წინააღმდეგ ბრძოლაში. რუსეთი აღარასდროს იქნება სუბიექტი, რომელიც ვინმეს რამეს კარნახობს. მას პოტენციალი აღარ გააჩნია კარნახისთვის. იყო გაზის მხრივ გავლენა - აღარ არის. იყო სამხედრო გავლენა - აორთქლდა. იყო პოლიტიკური წონა - ახლა იზოლაციაა. იყო იდეოლოგიური ამბიციები - ახლა მხოლოდ ზიზღია“, - აღნიშნა ზელენსკიმ.

მისი თქმით, ეს კონფიგურაციის ძალიან მნიშვნელოვანი ცვლილებებია ევრაზიაში: „დღეს, რუსეთი რაც უფრო მეტ პოტენციალს დაკარგავს, მით უფრო რეალურ თავისუფლებას მიიღეებენ ერები რუსეთის გვერდით და მის ფარგლებს მიღმა. უკრაინა - პირველ რიგში“, - აღნიშნა უკრაინის პრეზიდენტმა.