დიდი ბრიტანეთის პრემიერ-მინისტრი რიში სუნაკი გახდა

დიდი ბრიტანეთის კონსერვატიული პარტიის ახალი ლიდერი და ქვეყნის პრემიერ-მინისტრი რიში სუნაკი გახდა.

გაერთიანებული სამეფოს პრემიერ-მინისტრობისთვის კიდევ ერთი კანდიდატი, სახელმწიფო ხაზინის ყოფილი მინისტრი, პენი მორდონტი იბრძოდა, თუმცა, დღეს, მორდონტმა თავისი კანდიდატურა მოხსნა.

მანამდე პოსტისთვის ბრძოლაზე უარი თქვა დიდი ბრიტანეთის ყოფილმა პრემიერმა ბორის ჯონსონმა. მან თქვა, რომ 100-ზე მეტი დეპუტატის მხარდაჭერა მოაგროვა, თუმცა კონსერვატიული პარტიის თავმჯდომარეობის თანამდებობაზე კენჭს არ იყრის. მისივე თქმით, პრემიერის თანამდებობაზე დაბრუნებას 2024 წლის საპარლამენტო არჩევნების დროს შეეცდება.

პრემიერ-მინისტრის პოსტზე 45-დღიანი მუშაობის შემდეგ, გასულ კვირას ლიზ ტრასმა თანამდებობა დატოვა.

რიში სუნაკი, რომელიც 42 წლისაა, 1812 წლის შემდეგ ბრიტანეთის ყველაზე ახალგაზრდა და პირველი ინდური წარმოშობის პრემიერ-მინისტრი იქნება.