უკრაინის უსაფრთხოების სამსახური ადასტურებს, რომ მედვედევზე, შოიგუსა და სხვებზე ძებნა გამოცხადდა

უკრაინის უსაფრთხოების სამსახური ადასტურებს, რომ რუსეთის უშიშროების საბჭოს ხელმძღვანელის მოადგილე დმიტრი მედვედევზე ძებნაა გამოცხადებული.

მანამდე  მედიაში გავრცელდა ინფორმაცია, რომ მისი გვარი შეტანილია უკრაინის შინაგან საქმეთა სამინისტროს მონაცემებში.

უკრაინის უსაფრთხოების სამსახური აღნიშნავს, რომ მედვედევზე ძებნა ჯერ კიდევ 2022 წლის მარტში გამოცხადდა.

მედვედევი, ისევე როგორც რუსეთის უშიშროების საბჭოს წევრების უმრავლესობა ეჭვმიტანილია უკრაინის ტერიტორიულ მთლიანობისა და ხელშეუხებლობის ხელყოფაში.

უწყებაში აღნიშნავენ, რომ მსგავსი დანაშაული ისჯება 15 წლამდე თავისუფლების აღკვეთით ან სამუდამო პატიმრობით.

ამასთან, უკრაინის უსაფრთხოების სამსახური იუწყება, რომ ძებნა გამოცხადდა; რუსეთის ეფ ეს ბეს დირექტორზე ალექსანდრ ბორტნიკოვზე; სახელმწიფო დუმის თავმჯდომარე ვიაჩესლავ ვოლოდინზე; როსგავრდიის ხელმძღვანელ ვიქტორ ზოლოტოვზე; შინაგან საქმეთა მინისტრ ვლადიმირ კოლოკოლცევზე; ფედერაციის საბჭოს თავმჯდომარე ვალენტინ მატვიენკოზე; შიდა დაზვერვის სამსახურის დირექტორზე სერგეი ნარიშკინზე; რუსეთის თავდაცვის მინისტრ სერგეი შოიგუზე; რუსეთის უშიშროების საბჭოს მდივან ნიკოლაი პატრუშევზე.