უაღრესად შემაშფოთებელი იყო ის პირადი თავდასხმები, რაც ელჩ დეგნანზე ვიხილეთ - ბონი ჯენკინსი

საქართველო, თბილისი - 13:08 | 06.10.2022
ნანახია: 139

ჩვენთვის უაღრესად შემაშფოთებელი იყო ის პირადი თავდასხმები, რაც ელჩ დეგნანზე ვიხილეთ, - ამის შესახებ ჟურნალისტებს იარაღის კონტროლისა და საერთაშორისო უსაფრთხოების საკითხებში აშშ-ის სახელმწიფო მდივნის მოადგილე ბონი დენის ჯენკინსმა განუცხადა.

"ჩემი აქ ყოფნის განმავლობაში შევხვდები "ქართული ოცნების" ლიდერებს იმისათვის რომ განვიხილოთ ჩვენი თანამშრომლობის საკითხები . შეხვედრების განმავლობაში მოუთმენლად ველოდები, რომ გავაჟღერო გზავნილი ვაშინგტონიდან იმ უზარმაზარი სამუშაოს მიმართ, რასაც ელჩი დეგნანი და მისი გუნდი ახორციელებს საქართველოში, იმისათვის რომ მხარი დაუჭიროს და წინ წასწიოს საქართველოს ევროატლანტიკური მისწრაფებები.

ეს ძალისხმევა არ ყოფილა ადვილი განსაკუთრებით ბოლო პერიოდში, როცა ჩვენთვის უაღრესად შემაშფოთებელი იყო ის პირადი თავდასხმები, რაც ელჩ დეგნანზე ვიხილეთ. ეს არის დეზინფორმაციის ნაწილი, რომელიც მიმართულია სიმართლის დაფარვისკენ ევროპაში შექმნილი კრიზისის ირგვლივ. კრიზისისა, რომელიც ერთმა ადამიანმა შექმნა . აშშ ყოველთვის მხარს დაუჭერს ამერიკას და მის საერთაშორისოდ აღიარებულ საზღვრებს ისევე როგორც ვუჭერთ საქართველოს ტერიტორიულ სუვერენიტეტს"- თქვა ბონი ჯენკინსმა.

ბონი დენის ჯენკინსი საქართველოში ოფიციალური ვიზიტით იმყოფება.

როგორც აშშ-ის სახელმწიფო დეპარტამენტის ვებგვერდზეა აღნიშნული, ბონი ჯენკინსი საქართველოში ორმხრივ შეხვედრებს გამართავს.




არქივი

მოგვძებნე Facebook-ზე