"საქართველოს ბანკზე" თავდამსხმელი დაკავებულია, ყველა მძევალი თავისუფალია

გავრცელებული ინფორმაციით, ქუთაისში, "საქართველოს ბანკის" ფილიალში შეჭრილი თავდამსხმელი დაკავებულია, ხოლო მძევლები თავისუფლები არიან.

შსს-ს ჯერჯერობით კომენატრი არ გაუკეთებია.

საპატრულო პოლიციამ მიმდებარე ტერიტორიის ნაწილის გახსნა დაიწყო.

შეიარაღებული პირი საქართველოს ბანკის ფილიალში, დაახლოებით დილის 11 საათისთვის შეიჭრა და 12 პირი მძევლად აიყვანა. ის 2 მილიონ დოლარს, ვერტმფრენს, მიკროავტობუსს, ანკესსა და რუსეთის დროშას ითხოვდა.