სომხეთი აცხადებს, რომ აზერბაიჯანთან ცეცხლის შეწყვეტის შეთანხმებას მიაღწიეს

სომხეთის უსაფრთხოების საბჭოს მდივნის, არმენ გრიგორიანის განცხადებით, საერთაშორისო თანამეგობრობის მონაწილეობით სომხეთმა და აზერბაიჯანმა ცეცხლის შეწყვეტის შეთანხმებას მიაღწიეს.

აზერბაიჯანი-სომხეთის საზღვართან საბრძოლო მოქმედებები 12 სექტემბერს, ღამიდან განახლდა. ერევანმა და ბაქომ ერთმანეთი დაადანაშაულეს აგრესიის წამოწყებაში.

სომხეთის პრემიერ-მინისტრ ნიკოლ ფაშინიანის განცხადებით, აზერბაიჯან-სომხეთის საზღვართან შეტაკებების შედეგად, სომხურ მხარეს 105 დაღუპული ჰყავს.

ფაშინიანის თქმით, დაღუპულებს შორის მშვიდობიანი მოქალაქეებიც არიან.

აზერბაიჯანის თავდაცვის სამინისტრომ 13 სექტემბერს გამოაცხადა, რომ სომხეთთან შეტაკებებში 50 სამხედრო დაკარგა.