შვედეთი მტკიცედ უჭერს მხარს საქართველოს ტერიტორიულ მთლიანობასა და სუვერენიტეტს - ლინდე

საქართველო, თბილისი - 18:09 | 07.08.2022
ნანახია: 147

შვედეთის საგარეო საქმეთა მინისტრი ენ ლინდე აგვისტოს ომის დაწყებიდან მე-14 წლისთავს ეხმიანება.

როგორც ლინდე აცხადებს, ფინეთი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას.

"დღეს რუსეთ-საქართველოს ომის მე-14 წლისთავს აღვნიშნავთ. შვედეთი მხარს უჭერს საქართველოს დამოუკიდებლობას, სუვერენიტეტსა და ტერიტორიულ მთლიანობას. მოვუწოდებთ რუსეთს, პატივი სცეს საერთაშორისო სამართალს და შეასრულოს 2008 წლის 12 აგვისტოს ცეცხლის შეწყვეტის შეთანხმებით ნაკისრი ვალდებულებები", - წერს ლინდე.

რუსეთ-საქართველოს 2008 წლის ომიდან 14 წელი გავიდა. ომს საქართველოს მხრიდან 228 მშვიდობიანი მოქალაქე, 169 სამხედრო და 19 პოლიციელი ემსხვერპლა. 150 000-ზე მეტი ადამიანი იძულებული გახდა საკუთარი სახლი მიეტოვებინა. დაიჭრა 1700-ზე მეტი ადამიანი.




არქივი

მოგვძებნე Facebook-ზე