ბიძინა ივანიშვილი არის ჩვენი ქვეყნის მოსახლეობის უმრავლესობისათვის ძალიან საყვარელი ადამიანი - ტალიაშვილი

ბიძინა ივანიშვილის დამსახურებას ისტორია კიდევ უფრო მეტად დააფასებს - ამბობს "ქართული ოცნების" დეპუტატი თამარ ტალიაშვილი ტელეარხ "ფორმულასთან" საუბრისას.

მისი თქმით, ერთადერთი, რაც ივანიშვილს თავისი ქვეყნისთვის გაუკეთებია, არის სიკეთე.

"ბიძინა ივანიშვილის დამსახურება ჩვენი ქვეყნის წინაშე არის ძალიან დიდი. და ამ დამსახურებას, მე ვფიქრობ, ისტორია კიდევ უფრო მეტად დააფასებს. სამწუხაროდ, საქართველოს ისტორიაში არის მაგალითები, როდესაც თანამედროვემ შეიძლება, რაღაცნაირად საკუთარი ვიწრო ინტერესებიდან გამომდინარე, არ აღიაროს მისი დიდი თანამედროვის დამსახურება, იქნება ეს ქველმოქმედება, სიკეთე თუ ქვეყნისთვის ძალიან მნიშვნელოვან დროს ისტორიის სწორ მხარეს ყოფნა. სწორედ ასეთი ადამიანია ბიძინა ივანიშვილი, რომელიც არის ჩვენი ქვეყნის მოსახლეობის უმრავლესობისათვის ძალიან საყვარელი ადამიანი, რადგან ერთადერთი, რაც მას თავისი ქვეყნისთვის გაუკეთებია, ეს არის სიკეთე", - თქვა ტალიაშვილმა.