რუსეთმა, უკრაინაში, ოპერატიული პაუზის შემდეგ წინსვლის ტემპის შეცვლა ვერ შეძლო - ISW

რუსეთის ძალებმა ოპერატიულო პაუზის შემდეგ წინსვლის ტემპის გაზრდა ვერ შეძლეს. ამის შესახებ ნათქვამია ომის შემსწავლელი ინსტიტუტის (ISW) მიმოხილვაში.

რუსეთის ჯარებმა 21 ივლისს განახორციელეს რამდენიმე შეზღუდული და ძალიან ლოკალიზებული სახმელეთო შეტევა. რუსეთის მიმდინარე ოპერატიული ტემპი მნიშვნელოვნად არ განსხვავდება იმისგან, რაც იყო ოფიციალურად გამოცხადებული ოპერატიული პაუზის დროს 7-დან 16 ივლისამდე.

ამ დროის განმავლობაში რუსეთის ძალები განაგრძობდნენ უმნიშვნელი შეტევებს სლავიანსკის ჩრდილო-დასავლეთით და სევერსკისა და ბახმუტის გარეშემო, ისე, რომ ვერ დაიკავეს ვერც ერთი მნიშვნელოვანი ტერიტორია.

16 ივლისიდნ ოკუპანტები ახორციელებდნენ ლოკალურ შეტევებს სევერსკის აღმოსავლეთიდან, ასევე ბახმუტიდან აღმოსავლეთისა და სამხრეთის მიმართულებით; 21 ივლისის მდგომარეობით, მათ ვერ მიაღწიეს მნიშვნელოვან ტერიტორიულ წარმატებებს ამ რაიონებში.

რუსეთის დაჯგუფებამ სლავიანკის ჩრდილო- დასავლეთით განახორციელა ფაქტობრივად ნაკლები სახმელეთო შეტევა ხარკოვისა და დონეცკის ოლქების ადმინისტრაციული საზღვრების გასწვრივ, ვიდრე ეს იყო ოფიციალური ოპერატიული პაუზის დროს.  

ISW -ის შეფასებით, სლავიანსკის, სევერსკისა და ბახმუტის რაიონების საზღვრებს გარეთ წარუმატებელი სახმელეთო შეტევების შემდეგ, რუსები, სავარაუდოდ, სლავიანსკის ან ბახმუტის დაკავებას ვერ შეძლებენ.

ინსტიტუტი ეყრდნობა მოპოვებულ მონაცემებს და ვარაუდობს, რომ რუსეთის ჯარები დიდი ალბათობით, გააგრძელებენ დაბალი სიზუსტის საბჭოთა იარაღის სისტემებს, თუმცა მათი დარტყმები უკრაინელების HIMARS-ის დარტყმებთან შედარებით წარუმატებელი იქნება.

ISW -ის ანალიტიკოსების დასკვნებით, რუსეთის ამჟამინდელი ოპერატიული ტეპმი მნიშვნელოვნად არ განსხვავდება რუსების ოფიციალური პაუზის დროინდელი შეტევითი ოპერაციების ტემპისგან. მათივე შეფასებით, რუსეთის ძალები დიდი ალბათობით, ვერ შეძლებენ მნიშვნელოვანი პოზიციების დაკავებას უახლოეს კვირებში. რუსეთმა სავარაუდოდ, უკვე გამოიყენა მაღალი სიზუსტის შეიარაღების რეზერვის 55-60%.