მე ვითხოვ იარაღს არა უცხო მიწაზე ომის საწარმოებლად, არამედ ჩემი სახლის დასაცავად - ოლენა ზელენსკამ აშშ-ის კონგრესს მიმართა

უკრაინის პირველმა ლედიმ ოლენა ზელენსკამ აშშ-ის კონგრესის წევრებს მიმართა.

ზელენსკამ მოუწოდა ამერიკელ კანონმდებლებს, მეტი დახმარება გაუწიონ მის ქვეყანას და თქვა, რომ მეტი შეიარაღება დაეხმარება "დიდი საერთო გამარჯვების" უზრუნველყოფას.

15-წუთიანი ემოციური სიტყვით გამოსვლისას, ოლენა ზელენსკამ წარმომადგენელთა პალატისა და სენატის წევრებს, აჩვენა ბავშვების ვიდეოები, რომლებიც მისი თქმით, მოკლეს ან დაჭრეს, მათ შორის სამი წლის ბიჭი, რომელიც ახლა გერმანიაშია და სწავლობს პროთეზის გამოყენებას.

"კიდევ რამდენი ასეთი ბავშვია უკრაინაში? კიდევ რამდენი ასეთი ოჯახი დაანგრია ომმა? ეს არის რუსეთის "შიმშილის თამაშები", თქვა მან.

"მე ვითხოვ იარაღს, იარაღს, რომელიც არ იქნება გამოყენებული უცხო მიწაზე ომის საწარმოებლად, არამედ ჩემი სახლის დასაცავად და ამ სახლში ცოცხლად გაღვიძების უფლების დასაცავად".

"პასუხი არის აქ, ვაშინგტონში... დაგვეხმარეთ შეაჩეროთ ეს ტერორი უკრაინელების წინააღმდეგ და ეს იქნება ჩვენი საერთო დიდი გამარჯვება სიცოცხლის, თავისუფლებისა და ბედნიერების ძიების სახელით", - თქვა მან.

კონგრესში სიტყვით გამოსვლამდე, ოლენა ზელენსკას შეერთებული შტატების პრეზიდენტმა და პირველმა ლედიმ თეთრ სახლში უმასპინძლეს.

18 ივლისს, ოლენა ზელენსკა ვაშინგტონში შეხვდა აშშ-ის სახელმწიფო მდივანს, ენტონი ბლინკენს.