ომის დაწყებიდან უკრაინა 7,5 მილიონზე მეტმა ადამიანმა დატოვა

უკრაინაში ომის დაწყებიდან ქვეყანა 7,5 მილიონზე მეტმა ადამიანმა დატოვა. მონაცემებს გაეროს ლტოლვილთა უმაღლესი კომისარი ავრცელებს.

ამ დროისათვის უკან დაბრუნდა 2,5 მლნ ადამიანი.

უკრაინაში საცხოვრებელი ადგილების დატოვება 7, 1 მლნ ადამიანს მოუწია. ისინი ქვეყნის შიგნით იძულებით გადაადგილებულ პირებად არიან მიჩნეული. 15,7 მლნ ადამიანს ესაჭიროება სასწრაფო ჰუმანიტარული დახმარება. დღეისათვის, UNHCR-ის შეფასებით, ევროპაში 5,1 მილიონზე მეტი უკრაინელი ლტოლვილი იმყოფება.

გაეროში უკრაინელ ლტოლვილთა ამჟამინდელ კრიზისს მეორე მსოფლიო ომის შემდეგ ყველაზე დიდ კრიზისს უწოდებენ.