მერკელის თქმით, მისმა გადადგომამ, შესაძლოა, გავლენა იქონია პუტინის გადაწყვეტილებაზე დაეწყო ომი უკრაინაში

გერმანიის ყოფილმა კანცლერმა ანგელა მერკელმა განაცხადა, რომ მისმა გადადგომამ შესაძლოა, გავლენა იქონია ვლადიმირ პუტინის გადაწყვეტილებაზე უკრაინაში სრულმასშტაბიანი შეჭრის შესახებ.

ამის შესახებ მერკელმა RND-თან ინტერვიუში ისაუბრა.

„შესაძლოა, {რუსეთის შეჭრას} ხელი შეუწყო ჩემმა გადადგომამ, ისევე, როგორც საფრანგეთის არჩევნებმა, ავღანეთიდან ჯარების გაყვანამ და მინსკის შეთანხმებების შესრულებაში შეფერხებამ“, - განაცხადა ყოფილმა კანცლერმა.

მან აღიარა, რომ კანცლერის თანამდებობაზე ყოფნის დროს ის უძლური იყო.

„აშკარა იყო, რომ მე აღარ ვიქნებოდი თანამდებობაზე და ამიტომ გასული წლის განმავლობაში განხორციელებულ სხვადასხვა მცდელობას {კონფლიქტის მოგვარების} შედეგი არ მოჰყოლია“- თქვა მერკელმა.