კარგია, რომ დააფიქსირა აშშ- ის პოზიცია, რომ რუსული პროპაგანდაა ის, რომ საქართველოში მეორე ფრონტის გახსნა უნდათ - გურამ მაჭარაშვილი

ომზე ჩვენ კი არ დავიწყეთ საუბარი, დაიწყო მავანმა, მავანი ვინ არის და არესტოვიჩი და ბევრი სხვა და საქართველოში აჰყვა რადიკალური ოპოზიციის ბევრი წარმომადგენელი, - ამის შესახებ საპარლამენტო უმრავლესობის წევრმა გურამ მაჭარაშვილმა "გორბის" კვლევის კომენტირებისას განაცხადა.

მისივე თქმით, კითხვის ფორმულირება როგორიც არ უნდა იყოს საზოგადოებას აქვს პოზიცია და ხედავს, რომ საქართველოს ინტერესების საწინააღმდეგოდ ხდება არამხოლოდ ქვეყანაში არამედ ქვეყნის გარეთაც გარკვეული ტიპის გადაწყვეტილებების მიღება. 

"ომზე ჩვენ როგორ ვსაუბრობთ?! გამოდიან პოლიტიკოსები საქართველოში თუ ფარგლებს გარეთ, რომლებიც პირდაპირ მოგვიწოდებენ, რომ მხოლოდ ჩვენი ბავშვები და ქალები არ უნდა დაიხოცონ, პირდაპირ გეუბნებიან ჩაერთეთ ომში, დაიბრუნეთ აფხაზეთი, სააკაშვილი რომ იყოს ომს დაიწყებდა. ომზე ჩვენ კი არ დავიწყეთ საუბარი, დაიწყო მავანმა, მავანი ვინ არის და არესტოვიჩი და ბევრი სხვა და საქართველოში აჰყვა რადიკალური ოპოზიციის ბევრი წარმომადგენელი. კელი დეგნანმა იმიტომ ჩათვალა საჭიროდ ამ განცხადების გაკეთება, რომ დაინახა სხვადასხვა პოლიტიკოსების მოწოდება, რომ ომში უნდა ჩათრეულიყო საქართველო და კარგია, რომ დააფიქსირა აშშ- ის პოზიცია, რომ რუსული პროპაგანდაა ის, რომ საქართველოში მეორე ფრონტის გახსნა უნდათ, -განაცხადა მაჭარაშვილმა.