რა უნდოდა, რომ მოდიოდა, ზის და ტირის, როგორც საცოდავი და საწყალი კაცი, გაფუჭების გარდა რას აკეთებს? - მეუფე იაკობი სააკაშვილზე

"ვინ უნდა გადამიწყვიტოს მე, სწორად იჭერენ თუ არ იჭერენ, თუმცა არავინ მინდა, რომ ციხეში იყოს," - თქვა ბოდბელმა ეპისკოპოსმა, იაკობმა ქადაგებისას მიხეილ სააკაშვილზე საუბრისას

მან აღნიშნა, რომ მას ქვეყნისთვის "გაფუჭების გარდა, არაფერი გაუკეთებია".

"ბიჭო, აი, რა უნდოდა რომ მოდიოდა რა, რისთვის მოდიოდა რა, ზის და ტირის და ტირიხართ ყველანი ხო? გამოუშვით, გამოუშვით, მე დავიჭირე? აი მე როგორ ვუყურო ეხლა, როგორც საცოდავი და საწყალი კაცი, ციხიდან გასაგდებია რა, მაშინ ნუღა იტყვით მესამე პრეზიდენტი და რაღაცა, თქვით, რომ ეშინია, შიშები აქვს, არ უნდა ციხეში, მაშინ სხვებიც გავუშვათ რა, ვისაც არ უნდა ციხეში რა, გავუშვათ ყველა რა, მარტო მიშა რატომ? რა აქვს ისეთი გაკეთებული? ბოლო წლებში გაფუჭების გარდა რას აკეთებს? ჩემთვის გაფუჭების გარდა არაფერს აკეთებს. თორემ მე შემიძლია, ისაც გავიხსენო ვაშინგტონში ცნობილი პოლიტიკოსები როგორ აფასებდნენ და თუ არ გაჩერდებიან მაგასაც ვიტყვი, გაიხარეთ აბა!", - თქვა მეუფე იაკობმა.