ეს არც ისე საშიშია, პუტინს ბევრად მეტი პრობლემა აქვს - ზელენსკი მასზე თავდასხმის 10 მცდელობაზე

უკრაინის პრეზიდენტმა ვოლოდიმირ ზელენსკიმ განაცხადა, რომ მასზე 10 თავდასხმის მცდელობა არც ისე ბევრა და რომ რუსეთის პრეზიდენტს პუტინს ბევრად მეტი პრობლემა აქვს. ამის შესახებ ზელენსკიმ ავსტრალიურ ტელეარხ Nine Network-თან ისაუბრა.

„ეს არც ისე ბევრია, 10 {თავდასხმა} – გამოდის, რომ მხოლოდ 10 ადამიანს სურს ჩემი მოკვლა. ეს არც ისე საშიშია. ვფიქრობ, რომ რუსეთის ფედარაციის პრეზიდენტს ბევრად მეტი პრობლემა აქვს, გამომდინარე მსოფლიოს დამოკიდებულებიდან მათი პოლიტიკის მიმართ...

ის, რასაც განვიცდიდით და განვიცდით, მაშინ,  როდესაც ადამიანები სხედან სარდაფებში, მათ აწამებენ, როდესაც ჭებში ვპოულობთ უკრაინელებს - ვფიქრობ, რომ მე მეტ-ნაკლებად საშიში მდგომარეობა მაქვს. მე მეშინია ჩვენი ხალხის გამო, განსაკუთრებით იმ ოჯახების გამო, რომლებმაც ახლობლები დაკარგეს“, - განაცხადა ზელენსკიმ.

მის პოპულარობასთან დაკავშირებულ შეკითხვაზე ზელენკიმ უპასუხა, რომ ეს პოპულარობა მას არ შთააგონებს. „პოპულარობა, რომელიც მე მაქვს - ის ნამდვილად არ შთამაგონებს, იმიტომ, რომ ვიცი რა ფასი აქვს ამ პოპულარობას, ეს ომის ფასია“, - განაცხადა უკრაინის პრეზიდენტმა.

ამასთან, ზელენსკიმ დაადასტურა, რომ მას ომის პირველ დღეებში უკრაინიდან გაყვანას სთავაზობდნენ, მაგრამ ამ საკითხს არც კი განიხლავდა.