ვესაუბრე სალომე ზურაბიშვილს, მადლობა გადავუხადე ქართველ ხალხს მოლდოვას მიმართ გამოჩენილი სოლიდარობისთვის

ვესაუბრე სალომე ზურაბიშვილს, მადლობა გადავუხადე ქართველ ხალხს მოლდოვას მიმართ გამოჩენილი სოლიდარობისთვის - მაია სანდუ

საქართველო, თბილისი - 20:53 | 28.04.2022

ნანახია: 582

საქართველოს პრეზიდენტი სალომე ზურაბიშვილი მოლდოვის პრეზიდენტ მაია სანდუს ტელეფონით ესაუბრა.

"ვესაუბრე საქართველოს პრეზიდენტს სალომე ზურაბიშვილს მოლდოვაში განვითარებულ ბოლოდროინდელ მოვლენებზე. მადლობა გადავუხადე ქართველ ხალხს მოლდოვას მიმართ გამოჩენილი სოლიდარობისთვის, მთელი რეგიონისთვის ამ რთულ დროს", - წერს სანდუ "ტვიტერზე".

სატელეფონო საუბრის შესახებ მანამდე ინფორმაცია გაავრცელა სალომე ზურაბიშვილმა.

"კონგრესში ყოფნისას, სატელეფონი ზარი მქონდა პრეზიდენტ მაია სანდუსთან მოლდოვაში არსებულ ვითარებაზე. საქართველო სოლიდარულია მოლდოვას მიმართ - ჩვენ საერთო ევროპული გზა გვაერთიანებს!", - წერს სალომე ზურაბიშვილი სოციალურ ქსელში.

მანამდე, 27 აპრილს, სალომე ზურაბიშვილმა შეშფოთება გამოთქვა დნესტრისპირეთში არსებულ ვითარებასთან დაკავშირებით.

"ძალიან შეშფოთებული ვარ დნესტრისპირეთში განვითარებული მოვლენებით. ჩემი სრული სოლიდარობა პრეზიდენტ მაია სანდუსა და სრულიად მოლდოვას!
ევროპის უფრო მეტად დესტაბილიზაციის ნებისმიერი მცდელობა ყოველი ჩვენგანისთვის რისკია", - დაწერა საქართველოს პრეზიდენტმა.