რუსეთში მასობრივი ხანძრები შესაძლოა, პარტიზანული ომის დაწყებას მოწმობდეს - არესტოვიჩი

უკრაინის პრეზიდენტის ოფისის ხელმძღვანელის მრჩეველი ალექსეი არესტოვიჩის განცხადებით, რომ რუსეთის ქალაქებში მასობრივი ხანძრები შესაძლოა, პარტიზანული ომის დაწყებას მოწმობდეს. ამის შესახებ მან უკრაინულ მედიასთან ინტერვიუში განაცხადა.

არესტოვიჩმა კომენტარი გააკეთა ბრიანსკში არსებულ სიტუაციაზე  და აღნიშნა, რომ ბოლო დროს რუსეთში თავდასხმები ხდება სამხედრო კომისარიატებზე. მისი აზრით ეს შესაძლოა, პარტიზანული ომის დაწყებას მოწმობდეს.

 „უცნობია, რა ხდება რუსეთში. უსურიისკში იწვის სამხედრო ბაზა, იწვის სამხედრო კომისარიატები, იწვის სამხედრო სასწავლებლები, საწყობები, გუბერნატორების სახლები. მაქვს განცდა, რომ რუსეთში დაიწყო პარტიზანული ომი. განსაკუთრებით ეს ეხება სამხედრო კომისარიატებს - ხალხს არ სურს იქ და წინააღმდეგობას უწევს“, - განაცხადა არესტოვიჩმა.

მან ასევე აღნიშნა, რომ სამხედრო კომისარიატებში ახალწვეულებისა და რეზერვისტების პირადი მონაცემები ინახება.

გუშინ, რუსეთის ქალაქ ბრიანსკის ნავთობბაზაზე ხანძარი გაჩნდა. განხორციელდა მიმდებარე რაიონებიდან მოსახლეობის ევაკუაცია.