შარლ მიშელი პუტინს მოუწოდებს აღდგომის დღესასწაულთან დაკავშირებით უზრუნველყოს ჰუმანიტარული დერეფნების გახსნა მარიუპოლსა და ალყაში მოქცეულ სხვა ქალაქებში

ევროპული საბჭოს პრეზიდენტმა შარლ მიშელმა რუსეთის პრეზიდენტ ვლადიმირ პუტინთან სატელეფონო საუბრისას განიხილა ალყაში მოქცეული მშვიდობიანი მოსახლეობის ევაკუაციის საკითხი.

შარლ მიშელმა პუტინს მოუწოდა აღდგმის დღესასწაულთან დაკავშირებით გახსნას ჰუმანიტარული დერეფნები და უზრუნველყოს ალყაში მოქცეული მარიუპოლიდან და სხვა ქალაქებიდან ხალხის უსაფრთხოდ გამოყვანა.

„მე მას მტკიცედ მოვუწოდე დაუყოვნებლივ უზურუნველყოს ჰუმანიტარული წვდომა და და უსაფრთხო გამოსვლა მარიუპოლიდან და სხვა ალყაში მოქცეული ქალაქებიდან მართლმადიდებლურ აღდგომის დღესასწაულთან დაკავშირებით“, - წერს „ტვიტერზე“ მიშელი.