მარიუპოლიდან ევაკუაციის გეგმამ არ იმუშავა - ირინა ვერეშჩუკი

მარიუპოლიდან 6 ათასამდე მშვიდობიანი მოქალაქის ევაკუაციის გეგმა, რომელიც უკრაინის ხელისუფლებამ შეიმუშავა, ოთხაშაბათს, 20 აპრილს ვერ განხორციელდა. ამის შესახებ ტელეგრამ-არხზე უკრაინის ვიცე პრემიერი ირინა ვერეშჩუკი იტყობინება.

ვერეშჩუკის განცხადებით, იმის მიუხედავად, რომ რამდენიმე ათეულმა ადამიანმა ზაპოროჟიეს მიმართულებით ქალაქიდან გაღწევა მოახერხა, ჰუმანიტარულმა დერეფანმა ვერ იმუშავა ისე, როგორც დაგეგმილი იყო.

ვიცე-პრემიერი აღნიშნავს, რომ რუსულმა მხარემ ვერ უზრუნველყო ცეცხლი შეწყვეტის ვალდებულება. ამის გარდა, სამხედროებმა ვერ უზრუნველყვეს ხალხის დროულად მიყვანა იმ ადგილამდე, სადაც მათ ათობით ავტობუსი და სასწრაფო დახმარების მანქანა ელოდა.

ვიცე-პრემიერის თქმით მშვიდობიანი მოსახლეობის ევაკუაციის მცდელობა ხვალ დილიდან განახლდება. „მივმართავ ჩვენს ხალხს მარიუპოლში: ჩვენ ვიბრძოლებთ თითოეული თქვენგანისთვის!“ - აღნიშნა ვერეშჩუკმა.

მანამდე მარიუპოლის მერმა გამოთქვა იმედი, რომ ქალაქში 90 ავტობუსი შევიდოდა, რომლებიც ქალებს, ბავშვებსა და მოხუცებს გაიყვანდნენ.

რუსულმა მხარე ჰუმანიტარული ოპერაციის ჩაშლაში ტრადიციულად უკრაინა დაადანაშაულა.