მიშა მშვილდაძე ამბობს, რომ Facebook-სტატუსის გამო სუსში დაიბარეს

საქართველო, თბილისი - 16:19 | 12.04.2022

ნანახია: 502

ტელეკომპანია "ფორმულას" ერთ-ერთი დამფუძნებელი, მიშა მშვილდაძე ამბობს, რომ Facebook-ზე გამოქვეყნებული სტატუსის გამო სახელმწიფო უსაფრთხოების სამსახურში დაიბარეს.

ფორმულა" ინფორმაციით, მშვილდაძე 4 აპრილს გამოქვეყნებული ფეისბუქსტატუსის გამო დაიბარეს, რომელშიც ის ეხმიანებოდა საქართველოს პრემიერ-მინისტრის, ირაკლი ღარიბაშვილის განცხადებას, რომ ამ ომით უკრაინა დაიჩაგრებოდა. "ჯერ კიდევ 25 თებერვალს ვამბობდი, თუ ვინმე დაიჩაგრებოდა ომით, იქნებოდა უკრაინა", - თქვა ღარიბაშვილმა.

მშვილდაძემ სოციალურ ქსელში დაწერა, რომ ხალხი კანცელარიასთან უნდა შეიკრიბოს

"ასეთი აზრი მაქვს დიდი ხანია, ორი დიდი აქციით საკითხის გადაწყვეტის ამბავი: იკრიბება დიდი აქცია შაბათს და ამბობს, რომ ხვალ დილამდე ღარიბაშვილი უნდა იყოს გადამდგარი, თორემ ხვალ ზუსტად ეს იგივე ხალხი შევიკრიბებით და დავლეწავთ კანცელარიას. გადადგება? - თეკლეს და არ გადადგება და უნდა შევიკრიბოთ და დავლეწოთ. სულ ესაა", - დაწერა მშვილდაძემ.

"ფორმულას" ინფორმაციით, ის ხელისუფლების დამხობის საქმეზე, სისხლის სამართლის კოდექსის 315-ე მუხლით დაწყებული გამოძიების ფარგლებში გამოიკითხება.