რუსული გამანადგურებლები, რომლებმაც შვედეთის საჰაერო სივრცე დაარღვიეს, ბირთვული იარაღით იყვნენ აღჭურვილნი - ანგარიში

შვედური ტელეარხის TV4-ის ინფორმაციით, რუსული გამანადგურებლები, რომლებმაც მარტის დასაწყისში შვედეთის საჰაერო სივრცე დაარღვიეს, ბირთვული იარაღით იყვნენ აღჭურვილნი.

წყაროს ინფორმაციით, რუსეთის მიერ გადადგმული ეს ნაბიჯი იყო მიზანმიმართული დაშინების მცდელობა.

ტელეარხის ცნობით, ოთხი რუსული გამანადგურებელი - ორი Su-24 და ორი Su-27 - კალინინგრადის საჰაერო ბაზიდან აფრინდა.

ამავდროუად, წყარო ამტკიცებს, რომ შვედეთის საჰაერო ძალების ორმა თვითმფრინავმა ( JAS 39 Gripen) გადაიღო რუსული თვითმფრინავის სურათები, რომლებმაც დაადასტურა, რომ ისინი აღჭურვილი იყო ბირთვული იარაღით.

უკრაინაში მიმდინარე ომის გამო, შვედეთის საჰაერო ძალებს გაზრდილი მზადყოფნა ჰქონდათ და მალევე აღმოაჩინეს, რომ რუსული თვითმფრინავები ბალტიის ზღვაში მდებარე შვედური კუნძულის, გოტლანდის ცისკენ მიემართებოდნენ.

მოხსენებაში ნათქვამია, რომ შვედეთის საჰაერო სივრცის დარღვევა დაახლოებით ერთ წუთს გაგრძელდა.

შვედეთის შეიარაღებულმა ძალებმა უარი თქვა ოფიციალური კომენტარის გაკეთებაზე, იყო თუ არა რუსული გამანადგურებლები ბირთვული იარაღით აღჭურვილი, მაგრამ დაადასტურა, რომ საჰაერო სივრცე განზრახ იქნა დარღვეული.

"ჩვენ ამას ვაფასებთ, როგორც შეგნებულ მოქმედებას. გავაანალიზეთ ინცინდენტი და ყველაფერი იმაზე, მეტყველებს, რომ მათ განზრახ დაარღვიეს შვედეთის საჰაერო სივრცე", - თქვა საჰაერო ძალების უფროსმა კარლ-იოჰან ედსტრომმა.

რუსული გამანადგურებლების მიერ შვედეთის საჰაერო სივრცის დარღვევის შესახებ ინფორმაცია 2 მარტს გავრცელდა.