რუსეთი "არამეგობრული" ქვეყნების მიმართ სავიზო ზომების შემოღებას გეგმავს

რუსეთის საგარეო საქმეთა მინისტრის სერგეი ლავროვის თქმით, მუშავდება პრეზიდენტ პუტინის ბრძანებულების პროექტი არამეგობრული ქვეყნების წინააღმდეგ სავიზო ღონისძიებების შესახებ.

„ამ აქტით დაწესდება რიგი შეზღუდვები რუსეთის ტერიტორიაზე შესვლასთან დაკავშირებით“, -განაცხადა ლავროვმა.

ლაროვის თქმით, უკრაინის ტერიტორიაზე მყოფი მესამე ქვეყნის მოქალაქეებისა და მოქალაქეობის არმქონე პირებისთვის რუსეთში შესვლის პროცედურები გამარტივდება.

ამასთან, ლავროვი ამბობს, რომ მოსკოვი ასევე ყურადღებას გაამახვილებს აშშ-სა და მისი "სატელიტების" „არამეგობრულ“ ქმედებებზე საპასუხო ღონისძიებების კომპლექსის შემუშავებაზე. ეს ქმედებებია „უპირველესად არალეგიტიმური სანქციები, ასევე ყველა ის გადაწყვეტილება, რომელიც არღვევს  რუსთის მოქალაქეებისა და იურიდიული პირების უფლებებს“, - განაცხადა ლავროვმა.

შეგახსენებთ, 7 მარტს რუსეთის მთავრობამ "არამეგობრული ქვეყნების" სია დაამტკიცა.