დონეცკისა და ლუჰანსკის მიმართულებით უკრაინის შეიარაღებულმა ძალებმა მტრის ხუთი იერიში მოიგერია - გენშტაბი

უკრაინის შეიარაღებული ძალები აგრძელებს თავდაცვით ოპერაციებს აღმოსავლეთის, სამხრეთ-აღმოსავლეთისა და ჩრდილო-აღმოსავლეთის მიმართულებებით. ამის შესახებ ინფორმაციას უკრაინის შეიარაღებული ძალების გენშტაბი Facebook-ზე ავრცელებს.

დონეცკისა და ლუჰანსკის მიმართულებებით უკრაინის ძალებმა მტრის 5 იერიში მოიგერია.

გენშტაბი აღნიშნავს, რომ განადგურებულია რუსების 2 ტანკი, საბრძოლო მანქანა და ერთი ავტომობილი. ამასთან, მტერს ცოცხალი ძალის დიდი დანაკარგი აქვს. მონაცემები დგინდება.  

უწყებაში აღნიშნავენ, რომ უკრაინის საჰაერო ძალებმა გასულ 24 საათში გაანადგურა 4 თვითმფრინავი, 1 ვერტმფრენი, 2 უპილოტო საფრენი აპარატი და 2 ფრთოსანი რაკეტა.