უკრაინაში დაღუპული ორი ქართველი მებრძოლი სამხედრო პატივით დაკრძალეს

საქართველო, თბილისი - 17:03 | 26.03.2022

ნანახია: 575

უკრაინაში დაღუპული ორი ქართველი მებრძოლი, დავით რატიანი და გია ბერიაშვილი დღეს სამხედრო პატივით დაკრძალეს.

გია ბერიაშვილი თემქის, დავით რატიანი კი ვარკეთილის სასაფლაოზე დაკრძალეს.

სამოქალაქო პანაშვიდსა და დაკრძალვის ცერემონიას პოლიტიკოსები, სამოქალაქო აქტივისტები და რიგითი მოქალაქეები ესწრებოდნენ.

მმართველი გუნდიდან მხოლოდ თბილისის მერი, კახა კალაძე იმყოფებოდა.

ქაშვეთის ეკლესიაში სამოქალაქო პანაშვიდზე იმყოფებოდა პატრიარქის მოსაყდრე, მეუფე შიო. მან გარდაცვლილთა სულის მოსახსენიებელი პარაკლისი გადაიხადა და ოჯახებს ილია მეორის წერილი გააცნო.

შეგახსენებთ, დავით რატიანი და გია ბერიაშვილი უკრაინის ქალაქ ირპენთან რუსი ოკუპანტების წინააღმდეგ ბრძოლისას 18 მარტს დაიღუპნენ.

19 მარტს, მარიუპოლში დაიღუპა კიდევ ერთი ქართველი მებრძოლი ბახვა ჩიქობავა, რომლის ჯერჯერობით ვერ ხერხდება.

დღეს ასევე ცნობილი გახდა, რომ ირპენში დაიღუპა კიდევ ერთი ქართველი სამხედრო, დავით გობეჯიშვილი.