კიევის პოდოლსკის რაიონში, აფეთქებების შედეგად დაღუპულთა რაოდენობა 8-მდე გაიზარდა

საქართველო, თბილისი - 13:03 | 21.03.2022

ნანახია: 356

კიევის პოდოლსკის რაიონში აფეთქებების შედეგად დაიღუპა 8 ადამიანი. მანამდე ვრცელდებოდა ინფორმაცია 4 ადამიანის დაღუპვის შესახებ.

აფეთქებები საცხოვრებელ სახლებთან და სავაჭრო ცენტრთან ისმოდა.

უკრაინული მედიის ცნობით, ღამით, პოდოლსკის რაიონი რუსმა ოკუპანტებმა დაბომბეს. ცეცხლი გაუჩნდა სავაჭრო ცენტრის მე-3 და მე-4 სართულებს. ავტოსადგომზე დაიწვა მანქანები.

ხანძრის ლიკვიდაციის სამუშაოები გრძელდება. ადგილზე მობილიზებულია 11 ერთეული სახანძრო ტექნიკა და 60-ზე მეტი მეხანძრე.