ბრიტანეთმა რუსულ პროპაგანდისტულ არხს RT-ს, ლიცენზია ჩამოართვა

დიდ ბრიტანეთში კრემლის პროპაგანდისტულ არხს RT  მაუწყებლობის ლიცენზია ჩამოართვა. მარეგულირებელმა Ofcom-მა განცხადებით, მიზანშეწონილად არ მიიჩნევს, RT-ს ჰქონდეს  გაერთიანებული სამეფოს სამაუწყებლო ლიცენზია. ინფორმაციას Sky News  ავრცელებს.

მარეგულირებლის განცხადებით, RT ვერ მიიღებს ლიცენზიას მას შემდეგ რაც უკრაინაში რუსეთის შეჭრის შესახებ ინფორმაციების გაშუქების პროცესი შეისწავლა [მარეგულირებელმა}.

 „სიტყვის თავისუფლება ეს არის ის, რასაც ამ ქვეყანაში მკაცრად ვიცავთ და მაუწყებლის მიმართ მაღალი ზღვრი სამართლიანად არის დაწესებული“, - ნათქვამია Ofcom-ის განცხადებაში.

მარეგულირებლის განცხადებით რუსეთში არსებობს ახალი კანონები, რომელიც ფაქტობვრივად კრიმინალად აცხადებს ჟურნალისტიკას, რომელიც სახელმწიფო ნარატივის გვერდის ავლას ცდილობს.

RT ევროკავშირის მიერ დაწესებული სანქციების გამო ეთერიდან უკვე მოხსნეს, ამიტომ Ofcom-ის ეს გადაწყვეტილება დიდწილად სიმბოლურ ნაბიჯს წარმოადგენს.