პუტინს აქვს მძიმე დაავადება, რომელიც ტვინის აშლილობის პროვოცირებას იწვევს - Daily Mail

რუსი დიქტატორის ვლადიმირ პუტინის არაადეკვატური ქცევა შესაძლებელია იმით აიხსნას, რომ ის სავარაუდოდ, მძიმედ არის ავად. დასავლეთის დაზვერვის მონაცემებით, მას აწუხებს ტვინის აშლილობა, რომელიც შესაძლოა, გამოეწვია დემენციას, პარკინსონის დაავადებას ან სტეროიდებს, რომლებსაც კიბოს სამკურნალოდ იყენებენ.

ამის შესახებ წერს Daily Mail-ი კრემლთან დაახლოებულ წყაროზე, ასევე სადაზვერვო ალიანს Five Eyes-ის წარმომადგენლებზე დაყრდნობით. აღნიშნულ ალიანსში შედიან ავსტრალია, კანადა, ახალი ზელანდია, დიდი ბრიტანეთი და აშშ.

როგორც გაზეთი წერს, პუტინის უკრაინაში შეჭრის უგუნური გადაწყვეტილება შესაძლებელია აიხსნას დიქტატორის ფიზიოლოგიური გადახრებით.

გამოცემა წერს, რომ პუტინი იტანჯება სტეროიდების მოქმედებისგან, რომლებიც გამოიყენება სიმსივნის სამკურნალოდ. დასავლეთის დაზვერვას მიაჩნია, რომ მისი არაპროგნოზირებადი ქმედებები, გარეგნობა და აბსურდული სოციალური დისტანცირება შეხვედრების დროს, მკურნალობის შედეგებია.

პუტინს, შესაძლოა, ჰქონდეს, ონკოლოგიური ან პარკინსონის  დაავადება, ან კიდევ დემენცია. ამ დაავადებების სიმპტომები ჩანს  გარეგნობაზეც: შეშუპებული სახე და ყელი, შესაძლოა, იყოს სტეროიდების ხანგრძლივი მიღების გვერდითი ეფექტი.

„ბოლო ხუთი წლის განმავლობაში მოხდა  შესამჩნევი ცვლილებები მის მიერ გადაწყეტილების მიღების თვალსაზრისით. მისი გარემოცვა ამჩნევს მნიშვნელოვან ცვლილებებს იმ დამაჯერებლობასა და სიცხადეში თუ როგორ საუბრობს ის და როგორ აღიქვამს გარშემო არსებულ სამყაროს“, - განუცხადა გამოცემას სპეცსამსახურებიდან ერთ-ერთმა წყარომ.