ზელენსკის განცხადებით, უკრაინას შემუშავებული აქვს ცის დახურვის ალტერნატიული ვარიანტები

უკრაინას შემუშავებული აქვს ანტისარაკეტო თავდაცვის სისტემებისა და თვითმფრინავების მიწოდების ვარიანტები, რაც ნატო-ს ძალების მიერ ცის დახურვის ალტერნატივა უნდა გახდეს.

ამის შესახებ პრეზიდენტმა ვოლოდიმირ ზელენსკიმ პრესკონფერენციაზე განაცხადა.

„არსებობს ცის დახურვის რამდენიმე ვარიანტი. კონკრეტულად, შესაძლებელია უკრაინაში ანტისარაკეტო თავდაცვის სისტემების გამოგზავნა. უკრაინამ მოძებნა რამდენიმე ქვეყანა“, -თქვა ზელენსკიმ.

მისი თქმით, უკრაინა მზად არის აღნიშნული სამხედრო ტექნიკის ფასი გადაიხადოს. „ჩვენ გვესმის, რომ ზოგიერთისთვის რთულია მისი გადმოცემა, ამიტომ მზად ვართ ვიყიდოთ. შეგვიძლია ავიღოთ კრედიტი და მაშინვე გადავიხადოთ“, - განმარტა ზელენსკიმ.  

ანალოგიური სიტუაციაა სამხედრო თვითმფრინავებთან დაკავშირებითაც.

„მზად ვართ ტრანსპორტირებისათვის. მზად ვართ ჩამოვიყვანოთ, ჩვენ მოვილაპარაკეთ ქვეყნებთნ, რომელთა გავლითაც მათი ჩამოყვანა შეუძლებელია, მაგრამ შევთანხმდით, როგორ ავუაროთ მათ გვერდი, ჩვენ ბევრი გავაკეთეთ, რომ მოგვეძებნა ცის დახურვის ალტერნატივა. ამისთვის ყველა მზად არის, მაგრამ არა ისინი, ვინც ამ საკითხებს წყევტს“, - აღნიშნა ზელენსკიმ.