რუსეთმა უკრაინაში ომი, შესაძლოა, ერთ კვირაში დაასრულოს - Bellingcat

რუსეთმა უკრაინაში ომი, შესაძლოა „გაყინულ ეტაპზე“ გადაიყვანოს. ასეთ აზრს გამოთქვამს Bellingcat-ის გამომძიებელი ჟურნალისტი  ხრისტო გროზევი ოლესი ბაცმანთან ინტერვიუში.

გროზევის თქმით, რთულია უკრაინის წინააღმდეგ რუსეთის ომის დასრულების თარიღის დასახელება, რადგან მისი თქმით, შესაძლოა ეს არ იყოს საბოლოო დასასრული.

„ვშიშობ, რომ დადგება პერიოდი, როდესაც გაუგებარი იქნება, ომი დამთავრდა თუ არა. მაგრამ სისხლისღვრა აღარ იქნება და ეს ყველაზე მნიშვნელოვანია, ვფიქრობ, რომ ჩვენ ამას ვუახლოვდებით და შესაძლოა, ერთი კვირის ან 10 დღის საკითხი იყოს {ომის დამთავრების}“, - განაცხადა გროზევმა

მისი თქმით, ასეთი მოსაზრების საფუძველს აძლევს ის, რომ რუსეთს რესურსები ეწურება.

„მათ ეს ესმით, მათთვის მომგებინიც კი იქნება, რომ ომს დასრულებული არ უწოდონ, რადგან მოუწევთ აღიარება, რომ ის დაკარგულია და დატოვებენ მას {ომს} გაყინულ ეტაპზე“, - დასძინა გროზევმა.

მანამდე ხრისტო გროსევმა განაცხადა, რომ რუსეთმა უკრაინასთან ომში, ფაქტობრივად ამოწურა თავისი სამხედრო შესაძლებლობები.