თუ არ დახურავთ ცას, არ მოგვცემთ თვითმფრინავებს, შეგვიძლია დავასკვნათ, თქვენც გსურთ, რომ ნელ-ნელა გვკლავდნენ - ზელენსკი დასავლეთის ლიდერებს

თუ არ დახურავთ ცას,  არ მოგვცემთ თვითმფრინავებს, რათა შევძლოთ ჩვენი თავის დაცვა, მაშინ მხოლოდ ერთი დასკვნის გაკეთება შეგვიძლია - თქვენც გსურთ, რომ ნელ-ნელა გვკლავდნენ. ეს მსოფლიოს და დასავლეთის პოლიტიკოსებისა და ლიდერების პასუხისმგებლობაა -  უკრაინის პრეზიდენტმა ვოლიდმირ ზელენსკიმ დასავლეთის ლიდერებს მიმართა.

ვდეომიმართვაში მან განაცხადა, რომ ვინიცას აეროპორტი რუსეთის სარაკეტო დარტყმების შედეგად სრულად განადგურებულია.

„ყოველ დღე ვიმეორებთ: „დახურეთ უკრაინის ცა, დახურეთ ყველა რუსული რაკეტისთვის, რუსული ავიაციისთვის, ყველა ტერორისტისთვის. შექმენით ჰუმანიტარული საჰაერო ზონა რაკეტების, ავიაბომბების გარეშე. ჩვენ ადამიანები ვართ და ეს თქვენი ჰუმანიტარული მოვალეობაა, დაიცვათ ადამიანები და თქვენ ეს შეგიძლიათ...

თუ თქვენ ამას არ გააკეთებთ, არ მოგვცემთ თვითმფრინავებს, რათა შევძლოთ ჩვენი თავის დაცვა, მაშინ მხოლოდ ერთი დასკვნის გაკეთება შეიძლება - თქვენც გსურთ, რომ ნელ-ნელა გვკლავდნენ. ეს მსოფლიოს და დასავლეთის პოლიტიკოსებისა და ლიდერების პასუხისმგებლობაა. დღეიდან და სამუდამოდ“, - განაცხადა ზელენსკიმ.