თბილისში, უნივერსიტეტის ქუჩაზე მდებარე ახალ სპორტის სასახლეში ხანძარია

თბილისში უნივერსიტეტის ქუჩაზე ძლიერი ხანძარია. არსებული ინფორმაციით, იწვის უნივერსიტეტის ქუჩაზე არსებული სპორტის სასახლის შენობა, რომლის მშენებლობაც ამჟამად მიმდინარეობს.

ადგილზე მუშაობენ სახანძრო-სამაშველო სამსახურის თანამშრომლები.

წინასწარი ინფორმაციით, შენობაში არავინ იმყოფებოდა. მიმდებარე ტერიტორიაზე გადაადგილება სრულად აკრძალულია.

ჯერჯერობით უცნობია, რა გახდა ცეცხლის გაჩენის მიზეზი.