თუ ნატო-ს სურს მოსკოვთან თანამშრომლობა, რუსეთის სამშვიდობო როლი უნდა აღიაროს - გრუშკო

საქართველო, თბილისი - 22:25 | 12.01.2022
ნანახია: 120

რუსეთის საგარეო საქმეთა მინისტრის მოადგილემ ალექსანდრ გრუშკომ ნატო-რუსეთის საბჭოს სხდომის შემდეგ განაცხადა, რომ თუ ნატო-ს ქვეყნებს სურთ მოსკოვთან თანამშრომლობა, უნდა აღიარონ რუსეთის სამშვიდობო როლი.

მისი თქმით, ნატო-ს მთელი ისტორია, ფაქტობრივად, ომის, ინტერვენციის ისტრორიაა, რომელიც კვალს ტოვებს დანგრეული სახელმწიფოებისა და მილიონობით ლტოლვილების სახით. მისი თქმით, რუსეთმა შეაჩერა ომი მთიან ყარაბაღში, აფხაზეთში, ე.წ. სამხრეთ ოსეთსადა დნესტრისპირეთში.

„თუ ნატო-ს ქვეყნებს რეალურად სურთ ჩვენთან თანამშრომლობა, უნდა აღიარონ რუსეთის ეს მნიშვნელოვანი როლი, იმ ქვეყნის, რომელიც უზარმაზარ ევროატლანტიკურ სივრცეში მშვიდობის გარანტია და შეაქვს კრიტიკული წვლილი მშვიდობისა და სტაბილურობის მხარდაჭერაში“, -  აღნიშნა გრუშკომ პრესკონფერენციაზე.

ცოტა ხნის წინ ბრიუსელში დასრულდა ნატო-რუსეთის საბჭოს სხდომა, რომელიც 2019 წლის შემდეგ არ გამართულა. რუსეთისა და ნატოს წარმომადგენლების შეხვედრა დაახლოებით 4 საათს გაგრძელდა.

ნატო-რუსეთის საბჭოს სხდომას ჩრდილოატლანტიკური ალიანსის 30 ქვეყნის წარმომადგენელი და გენერალური მდივანი იენს სტოლტენბერგი ესწრებოდა.

რუსეთის დელეგაციას რუსეთის საგარეო საქმეთა მინისტრის მოადგილე ალექსანდრე გრუშკო ხელმძღვანელობდა. რუსეთს ასევე წარმოადგენდა თავდაცვის მინისტრის მოადგილე ალექსანდრ ფომინი.




არქივი

მოგვძებნე Facebook-ზე