სვანეთში ადგილობრივებმა ხატზე დაიფიცეს, რომ მაინერებს გამორთავენ

მესტიაში ადგილობრივებმა ხატზე დაიფიცეს, რომ  მაინერებს გამორთავენ. მესტიელები წმინდა გიორგის სახელობის ტაძარში შეიკრიბნენ. მათი თქმით, ამ ეტაპზე სხვა გამოსავალი არ აქვთ, რადგან ელექტროენერგიის მიწოდება იმდენად არის შემცირებული, რომ მესტიელები იმ დროსაც კი, როცა დენი არ ქრება, მის გამოყენებას ვერ ახერხებენ.

ადგილობრივები პასუხს ხელისუფლებისგანაც მოითხოვენ, თუმცა დასძენენ, რომ პასუხისმგებლობა ყველამ უნდა აიღოს.