წერტილი უნდა დავუსვათ ნატო-ს აღმოსავლეთით გაფართოებას - რუსეთი

რუსეთმა წერტილი უნდა დაუსვას ნატო-ს აღმოსავლეთით გაფართოებას და არ დაუშვას ალიანსში უკრაინის გაერთიანება, - ამის შესახებ რუსეთის ფედერაციის საგარეო საქმეთა მინისტრის მოადგილემ სერგეი რიაბკოვმა განაცხადა.

 „წერტილი უნდა დავუსვათ ნატო-ს გაფართოებას, ნატო-ს ინფრასქტურის, ნატო-ს შესაძლებლობების გაფართოებას აღმოსავლეთით. ჩვენ უნდა გამოვრიცხოთ  ნატო-ში უკრაინის შესვლა“,  - განაცხადა რიაბკოვმა ჟუნალ „მეჟდუნაროდნაია ჟიზნთან“ ინტრევიუში.

რუსეთმა 17 დეკემბერს გამოქვეყნა მის მიერ შედგენილი შეთანხმების პროექტები, სადაც ნატო-სა და აშშ-ისგან უსაფრთხოების გარანტიებია მოთხოვნილი.

დოკუმენტი გამორიცხავს ნატო-ს შემდგომ გაფართოებას და მის შემადგენლობაში უკრაინის მიღებას.

დოკუმნტში მოსკოვი ვაშინგტონს მოუწოდებს არ განათავსოს შეიარაღება და სამხედროები იქ, სადაც სხვა ქვეყნის მიერ ეს ეროვნული უსაფრთხოების საფრთხედ იქნება აღქმული, ასევე თავი შეიკავოს თავისი ცის მიღმა მძიმე ბომბდამშენების გაშვებისა და საბრძოლო ხომალდების გაგზავნისგან იმ წყლებში, საიდანაც შესაძლებელი იქნება სხვა ქვეყნის ტერიტორიისთვის დარტყმების მიყენება.

ამის გარდა, რუსეთი ალიანსს სთავაზობს არ განათავოს ბირთვული იარაღი აშშ-ის ფარგლებს გარეთ, აიღოს უკვე განთავსებული შეიარაღება და გაანადგუროს შესაბამისი ინფრასქტრუქტურა.