საქართველო მთვარეზე ხომ არ არის? ევროპაში ყველგან დახურულია კლუბები - პაატა იმნაძე

კლუბებში, დახურულ სივრცეში მინიმუმ 2000 კაცი ცეკვავს, ამის შედარება გარე სივრცეში ჩატარებულ ღონისძიებასთან როგორ შეიძლება?! -ამის შესახებ დაავადებათა კონტროლის ეროვნული ცენტრის ხელმძღვანელის მოადგილე პაატა იმნაძემ განაცხადა.

"საქართველო მთვარეზე ხომ არ არის? ევროპაში ყველგან დახურულია კლუბი. მესმის, ძალიან რთულია ეს კლუბის მეპატრონეებისთვის, იმიტომ რომ ეს ძალიან დიდი ფინანსური ზარალია.

საკოორდინაციო საბჭოზე კლუბების წარმომადგენლებთან არავითარი შეთანხმება არ ყოფილა გახსნაზე, მიმდინარეობდა მუშაობა, რომ ის პირობები ყოფილიყო, რომელის შემდეგაც კლუბები მუშაობას დაიწყებდნენ. მაგრამ მათთვის არავის უთქვამს, რომ გაიხსნებოდნენ და არავინ დაპირებია მათ ამას. მაგრამ "ომიკრონი" გამოჩნდა. კლუბის შედარება შეიძლება გარე სივრცეში გამართულ ღონისძიებასთან? ეგენი მართლა კლუბში არ ყოფილან თუ რა ხდება. დახურულ სივრცეში რომ 2 000 კაცი ერთად ცეკვავს - კარგით რა,"- განაცხადა პაატა იმნაძემ.

კლუბი ბასიანი დღეს შრომის ინსპექცია 10 000 ლარით დააჯარიმა.