"თბილისი - წიგნის მსოფლიო დედაქალაქის" ფარგლებში და მწერალთა სახლის ორგანიზებით, საქართველო თესალონიკის წიგნის ბაზრობაზე მონაწილეობს

"თბილისი - წიგნის მსოფლიო დედაქალაქის" ფარგლებში, მწერალთა სახლის ორგანიზებითა და საბერძნეთში საქართველოს საელჩოსთან პარტნიორობით, საქართველო პირველად მონაწილეობს თესალონიკის წიგნის საერთაშორისო ბაზრობაზე.

25-28 ნოემბერს მიმდინარე ბაზრობაზე, საქართველო ეროვნული სტენდითა და ლიტერატურული პროგრამითაა წარმოდგენილი:

•    26 ნოემბერი - ლაშა ბუღაძის რომან „ლიტერატურული ექსპრესის“ ბერძნულენოვანი თარგმანის პრეზენტაცია.
მოდერატორი: ანა რუცი („ათენი - წიგნის მსოფლიო დედაქალაქი“).
•    26 ნოემბერი - ბერძენი გამომცემლებისთვის ქართული ლიტერატურის გაცნობა. მომხსენებელი: მაია დანელია (მწერალთა სახლი).
•    27 ნოემბერი - „თბილისი - წიგნის მსოფლიო დედაქალაქის“ პროექტების პრეზენტაცია. მომხსენებელი: თამარ თოფურიძე („თბილისი - წიგნის მსოფლიო დედაქალაქი“).
•    27 ნოემბერი - პაატა შამუგიას პოეტურ კრებულ „შიზოგადოებას“ ბერძნულენოვანი თარგმანის პრეზენტაცია.
მოდერატორი: მთარგმნელი ეკატერინე ჯანაშია.

თესალონიკის წიგნის ბაზრობაზე საქართველოს სტენდის სტუმრები გაეცნობიან უახლეს ქართულ გამოცემებსა და ქართული ლიტერატურის უცხოენოვან თარგმანებს, ასევე, თბილისის სახელმწიფო უნივერსიტეტის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის გამოცემებს ელინისტიკის სფეროში. თესალონიკის წიგნის ბაზრობაზე ეროვნული სტენდითა და ლიტერატურული პროგრამით წარდგენა, ხელს შეუწყობს ბერძნული და ბალკანეთისპირეთის გამომცემლობების დაინტერესებას ქართული ლიტერატურითა და მთარგმნელობითი პროცესის გაძლიერებას.

"თბილისი - წიგნის მსოფლიო დედაქალაქი" UNESCO-ს პროექტია, რომელიც ხორციელდება თბილისის მერიის ფინანსური მხარდაჭერით. პროექტის გენერალური სპონსორია საქართველოს ბანკი.