კალიფორნიაში, საავტომობილო გზაზე, ფურგონიდან ფულით სავსე ტომრები გადმოცვივდა

საქართველო, თბილისი - 15:28 | 20.11.2021
ნანახია: 178

კალიფორნიაში, საავტომობილო გზაზე, ფურგონიდან ფული გადმოცვივდა. როგორც Associated Press-ი იუწყება, მომხდარის შემდეგ სხვა ავტომანქანების მგზავრებმა თავიანთი ავტომობილები გააჩერეს და ჰაერში მოფარფატე ბანკნოტების შეგროვება დაიწყეს. შედეგად საავტომობილო გზის ბლოკირება და მოძრაობის პარალიზება მოხდა.

გავრცელებული ინფორმაციით, ჯავშნიან ფურგონს მოძრაობის დროს უკანა კარი გაეხსნა და ფულით სავსე ტომრები გადმოცვივდა.

პოლიციელებს, რომლებიც ხალხის დამშვიდებას ცდილობდნენ, რამდენიმე ადამიანის დაკავება მოუწიათ. მათ კი ვინც, კუპიურების აღება მოასწრო, უკან დაბრუნება აიძულეს. პოლიციამ მოუწოდა ყველას, ფული დაუყოვნებლივ დააბრუნოს. წინააღმდეგ შემთხვევაში მათ ბრალს ოფიციალურად წარუდგენენ.

თვითმხილველები სოციალურ ქსელებში ავრცელებენ კადრებს, სადაც ჩანს, თუ როგორ აგროვებს ხალხი 1 და 20-დოლარიან ბანკნოტებს.




არქივი

მოგვძებნე Facebook-ზე