იყო მცირეხნიანი გონების დაკარგვა, რეანიმაციული ღონისძიებების შედეგად სააკაშვილის მდგომარეობა დასტაბილურდა

იყო მცირეხნიანი გონების დაკარგვა, რეანიმაციული ღონისძიებების შედეგად სააკაშვილის მდგომარეობა დასტაბილურდა - რეანიმატოლოგი

საქართველო, თბილისი - 19:54 | 18.11.2021

ნანახია: 401

მე-18 დაწესებულების რენიმატოლოგის თქმით, მესამე პრეზიდენტი მიხეილ სააკაშვილი ახლა გლდანის ციხის საავადმყოფოს, რენიმაციულ განყოფილებაში იმყოფება.

როგორც რეანიმატოლოგმა აღნიშნა, ამ ეტაპზე მესამე პრეზიდენტი კონტაქტურია, ადგილი ჰქონდა მცირეხნიან გონების დაკარგვას.

"პაციენტი არის სტაბილურ მგომარეობაში. ჰემოდინამიკა, ოქსიგენაციის მაჩვენებლები, სუნთქვის პარამეტრები - არის ნორმის ფარგლებში. მცირე, რეანიმაციული ღონისძიებების შედეგად მისი მდგომარეობა დასტაბილურდა. პაციენტს უტარდება კიდევ კვლევები და მერე უფრო დეტალურად გეტყვით. მცირეხნიანი გონების კარგვა იყო. რეანიმაციაში წევს ახლა. კონტაქტურია. კონსულტაციისთვის ვიყავი მოსული - შემთხვევით მოვხვდი აქ. პაციენტთან მორიგეობს რეანიმაციული ბრიგადა", - განაცხადა რეანიმატოლოგმა.

მანამდე, მესამე პრეზიდენტის ადვოკატმა ბექა ბასილაიამ განაცხადა, რომ ადვოკატებთან შეხვედრის შემდეგ, ოთახიდან გასვლისას მიხეილ სააკაშვილი წაიქცა.