კობახიძის განცხადება წარმოადგენს სახალხო დამცველის ექსპერტებზე ზეწოლის მცდელობას, რაც ეწინააღმდეგება როგორც საქართველოს კონსტიტუციას, ისე საერთაშორისო პრინციპებს - ნინო ლომჯარია

სახალხო დამცველი ნინო ლომჯარია აცხადებს, რომ ქართული ოცნების თავმჯდომარის, ირაკლი კობახიძის "მუქარის შემცველი" რიტორიკა სცილდება სამართლებრივ ჩარჩოს. მისივე შეფასებით, ის დამოუკიდებელ კონსტიტუციურ ორგანოზე და მის ექსპერტებზე თავდასხმისა და დაშინების მცდელობაა რაც ეწინააღმდეგება ადამიანის უფლებების ეროვნულ და საერთაშორისო ვალდებულებებს.

"ორგანული კანონი ანიჭებს სახალხო დამცველს უფლებამოსილებას, მოიწვიოს ექსპერტები და სპეციალისტები საექსპერტო საქმიანობის შესასრულებლად. სწორედ ეს უფლებამოსილება გამოიყენა საქართველოს სახალხო დამცველმა 2021 წლის 16 ნოემბერს და მიხეილ სააკაშვილის სამედიცინო მომსახურების შეფასების მიზნით მულტიპროფილურ ექსპერტთა ჯგუფი შექმნა ამის შემდეგ ქართული ოცნების თავმჯდომარე ყოველგვარი სამართლებრივი არგუმენტების გარეშე ცდილობს ისაუბროს სახალხო დამცველისა და ექსპერტების "შესაძლო სამომავლო პასუხისმგებლობაზე" გარკვეული აბსტრაქტული მიზეზებით. აღნიშნული წარმოადგენს საქართველოს სახალხო დამცველის წარმომადგენლებზე/ექსპერტებზე ზეწოლის მცდელობას მათი პროფესიული ნიშნით გამოთქმული მოსაზრებების გამო, რომელიც ეწინააღმდეგება როგორც საქართველოს კონსტიტუციას, ისე საერთაშორისო პრინციპებს," - აცხადებს სახალხო დამცველი.

სახალხო დამცველის შეფასებით, ირაკლი კობახიძის განცხადება არის საქართველოს სახალხო დამცველის წარმომადგენლებზე/ექსპერტებზე ზეწოლის მცდელობა, მათი პროფესიული ნიშნით გამოთქმული მოსაზრებების გამო. მისივე თქმით, ეს ეწინააღმდეგება, როგორც საქართველოს კონსტიტუციას, ისე საერთაშორისო პრინციპებს. 

სახალხო დამცველის შეფასებით, ირაკლი კობახიძის განცხადება არის საქართველოს სახალხო დამცველის წარმომადგენლებზე/ექსპერტებზე ზეწოლის მცდელობა, მათი პროფესიული ნიშნით გამოთქმული მოსაზრებების გამო. მისივე თქმით, ეს ეწინააღმდეგება, როგორც საქართველოს კონსტიტუციას, ისე საერთაშორისო პრინციპებს.

"მოვუწოდებთ გაერთიანებული ერების ორგანიზაციის, ევროპის საბჭოს, ეუთო/ოდირის, საქართველოში აკრედიტებულ დიპლომატიურ მისიებსა და ომბუდს გაერთიანებებს, შეისწავლონ აღნიშნული ფაქტი და თავიანთი მანდატის ფარგლებში შესაბამისი შეფასება მისცენ მას.

პარიზის პრინციპებისა და ვენეციის პრინციპების საწინააღმდეგოდ, საქართველოს სახალხო დამცველს ექმნება დაბრკოლებები მისი მანდატის განხორციელებისას და არსებობს რისკი, სამომავლოდ ექსპერტებმა უარი განაცხადონ სახალხო დამცველთან თანამშრომლობაზე", - წერია ომბუდსმენის განცხადებაში.