რუსეთმა ანტისატელიტური იარაღი გამოსცადა

აშშ-ის სახელმწიფო დეპარტამენტის ოფიციალურმა წარმომადგენელმა ნედ პრაისმა განაცხადა, რომ რუსეთმა ანტისატელიტური იარაღი გამოსცადა, რის შემდეგაც დედამიწის ორბიტაზე გაჩნდა ნამსხვრევები, რომელიც საფრთხეს უქმნის საერთაშორისო კოსმოსურ სადგურებს. რუსეთის თავდაცვის სამინისტრო ყოველგვარი საფრთხის არსებობას უარყოფს.

როგორც პრაისმა განაცხადა, რუსეთმა ანტისატელიტური რაკეტის დახმარებით ჩამოაგდო ერთ-ერთი თავისი ძველი თანამგზავრი, რის შედეგადაც წარმოიქმნა კოსმოსური ნაგავის 1 500 ფრაგმენტი და უფრო მცირე ზომის ნამსხვრევები, რომელიც ხალხთა ინტერესებისთვის საფრთხეს წარმოადგენს.

 „რუსეთის საშიში და უპასუხისმგებლო ქმედება საფრთხეში აგდებს კოსმოსის გრძელვადიან  სტაბილურობას და აშკარად დემონსტრირებს, რომ რუსეთის განცხადებები კოსმოსის მილიტარიზაციის წინააღმდეგ არაგულწრფელია და მლიქვნელური“, - განაცხადა პრაისმა.

დღეს რუსეთის თვდაცვის სამინისტრომ დაადასტურა, რომ 15 ნოემბერს გამოსცადა იარაღი, რის შედეგადაც განადგურდა უმოქმედო კოსმოსური აპარატი „ცელინა-დ“, რომელიც ორბიტაზე 1980-იანი წლებიდან იმყოფებოდა.

ამასთან, რუსეთის უწყებაში ხაზი გაუსვეს, რომ აპარატის ნამსხვრევები არ წარმოადგენდა საფრთხეს ორბიტალური სადგურებისთვის და რომ მსგავსი გამოცდები უკვე ჩატარებული აქვთ ჩინეთს, ინდოეთსა და თავად აშშ-ს.