„რუსეთი აფინანსებს გარკვეულ ჯგუფებს და ღიად ეწევიან რუსულ პროპაგანდას“ - პოლიტიკური პარტიების შეფასებები

პოლიტიკური პარტიები აცხადებენ, რომ ხელისუფლებას ბოლომდე არ აქვს შეფასებული ის საფრთხეები, რომელიც მოდის რუსეთისგან.

„რუსეთი, მისი პროპაგანდისტული მანქანა ძალიან აქტიურად მუშაობს. სწორედ ხელისუფლებას უნდა ესმოდეს, რომ თუ არ იქნება პოლიტიკური სტაბილურობა და პრინციპული დამოკიდებულება ჩვენი ეროვნული ინტერესების მიმართ, ძალიან დიდი შანსია იმისა, რომ საქართველო რუსეთის კიდევ უფრო აქტიური გავლენის ქვეშ იყოს,“ - აცხადებს „ნაციონალური მოძრაობის“ წევრი გიგი წერეთელი.

„ახალი მემარჯვენეების“ თქმით, აშკარაა, რომ რუსეთი აფინანსებს გარკვეულ ჯგუფებს არასამთავრობო ორგანიზაციების სახით, რაც საფრთხის შემცველია. მანანა ნაჭყებიას განმარტებით, ისინი ღიად ეწევიან რუსულ პროპაგანდას. 

მაია ფანჯიკიძე: ეს არის ქვეყნის დემოკრატიული განვითარება, ევროპულ სახელმწიფოდ ჩამოყალიბება, ამიტომ ძალიან კარგია თუ საქართველოს თავისი პარტნიორები და მეგობრები, ამას ყოველთვის შეახსენებენ, განსაკუთრებით ხელისუფლებას.