სუს-ის შენობათან ოპოზიციის აქციაზე 20-ზე მეტი ადამიანი დააკავეს

სუს-ის შენობათან ოპოზიციის მშვიდობიან აქციაზე 20-ზე მეტი ადამიანი დააკავეს, მათ შორის პოლიტიკოსებიც.

პოლიციელები აქციის მონაწილეებს დაკავების მიზეზებს არ უხსნიან.

დაკავაებულთა შორის არიან გოგა ონიანი, ნიკა ფარულავა, რომეო ფარულავა და ზვიად კუპრავა. პოლიციელებმა ენმ-ს წევრის, ზაალ უდუმაშვილის დაკავებაც სცადეს, თუმცა მას დეპუტატის მანდატი იცავს. უდუმაშვილის თქმით, ისინი ხალხს ელოდებოდნენ, როცა პოლიციელებმა ადგილზე მოულოდნელად დაკავებები დაიწყეს.

"ვიდექით და ველოდებოდით ხალხის მოსვლას, უცბად გავეშებული წამოვიდნენ და დაიწყეს დაკავებები. დავალება აქვთ მიცემული ეტყობა", - განუცხადა ზაალ უდუმაშვილმა ტვ პირველს.

თბილისის სამმართველოს უფროსმა ვაჟა სირაძემ ჟურნალისტებს განუმარტა, რომ აქტივისტები სახელმწიფო შენობის ბლოკირების გამო დააკავეს.  

აქციაზე მყოფი პირები მიხეილ სააკაშვილის სამოქალაქო კლინიკაში გადაყვანას და  სუს-ის ხელმძღვანელ გრიგოლ ლილუაშვილთან შეხვედრას ითხოვენ.