ქვეყნები, რომლებიც გლობალური დათბობის შედეგად გაქრებიან

გლობალური დათბობა გამოიწვევს რამდენიმე კუნძულოვანი სახელმწიფოს გაქრობას ყინულების დნობისა და ზღვის დონის მომატების გამო. ამის შესახებ გაზეთი Express წერს.

იმ ტერიტორიებს შორის, რომლებიც შესაძლოა, კლიმატის ცვლილებების გამო დაზიანდეს, არის კირიბატი, ტუვალუ და მარშალის კუნძულები.

როგორც  ეკოლოგიური არასამთავრობო ორგანიზაცია  გლობალური ქსელის Climate Action Network-ის კოორდინატორმა პელენიზა ალოფამ განაცხადა, გლაზგოს გაეროს სამიტი საციცოცხლოდ მნიშვნელოვანი მოვლენაა კუნძულოვანი სახელმწიფოებისათვის. მისი განმარტებით, ზღვის დონის მომატება და გაძლიერებული ტროპიკული შტორმები წარმოადგენს საფრთხეს ადამიანების სიცოცხლისა და რეგიონის სოფლის მეურნეობისათვის.

„საუბარია ერთდროულ მოვლენებზე. საფრთხეებზე, რომლებსაც შეუძლია  სრულად შთანთქას ჩვენი სახლები“, - განაცხადა ალოფამ.

მეცნიერები არაერთგზის აღნიშნავდნენ, რომ აუცილებელია დედამიწაზე ტემპერატურის ზრდის შეკავება ერთნახევარი ან ორი გრადუსით, რათა შემსუბუქდეს ნეგატიური შედეგები გლობალური დათბობის შედეგად.

ამიტომაც 190-ზე მეტმა სახელმწიფომ ხელი მოაწერა 2015 წელს პარიზის შეთანხმებას, რომელიც ითვალისწინებს მოქმედების კონკრეტულ გეგმას აღნიშნული მიზნის მისაღწევად.